ಅಷ್ಟು ಸುಲಭವಲ್ಲ ಪ್ರೇಮದ ಪರಿಯ ಅರಿಯುವುದು ಪ್ರೇಮ ಒಂದು ಮೈದಳೆಯಬೇಕಾದರೇ ಅದಕ್ಕೊಂದು ಜೀವ ಬೇಕು ಅಷ್ಟೇ ಸತ್ಯ ಏನೆಂದರೆ ಪ್ರತಿ ಜೀವನದ ಬೆನ್ನ ಮೇಲೆಯೂ ನಿನ್ನೆಯ ಅಗೋಚರ ಹೊರೆ ಇದ್ದೇ ಇರುತ್ತದೆ, ಆ ಹೊರೆ ಮತ್ತು ಜೀವನದ ನಾಳಿನ ನೀರೀಕ್ಷೆಗಳು. ಪ್ರೇಮಕ್ಕೆ ಕಣ್ಣು, ಮೂಗು, ಕಿವಿಗಳನ್ನು ರೂಪಿಸುತ್ತದೆ . ಅಲ್ಲಿ ಕಳೆದ ವರ್ಷಗಳ ಲೆಕ್ಕ ಮಾತ್ರವಲ್ಲ ವಸಂತ, ಗ್ರೀಷ್ಮ, ಋತುವಿನ ಒದ್ದೆ ಒಣಗು ಬೆರಗುಗಳು ಇರುತ್ತವೆ. ಪ್ರೀತಿಯನ್ನು ಬಿಗಿ ಹಿಡಿ ಎಂದು ಒಂದು ಜೀವ ಎಂದರೆ, ಬೇಡಾ … Read more

ಭಾರತ ದೇಶದ ಇತಿಹಾಸದ ಪುಟಗಳಲ್ಲಿ ಸುವರ್ಣ ಅಕ್ಷರಗಳಿಂದ ಬರೆಯಲ್ಪಟ್ಟ ಪವಿತ್ರ ದಿನ ಆಗಸ್ಟ್ 15. ಕೋಟ್ಯಾಂತರ ಭಾರತೀಯರ ಹೃದಯದಲ್ಲಿ ಹೆಮ್ಮೆಯ ಭಾವವನ್ನು ಮೂಡಿಸುವ ಸುಂದರ ದಿನ. ಕೇಸರಿ, ಬಿಳಿ , ಹಸಿರು ಮೂರು ಬಣ್ಣಗಳು ಮುಗುಲಿನ ಎತ್ತರದಲ್ಲಿ ಹಾರಾಡುತ್ತಾ, ನಮ್ಮ ಪೂರ್ವಜರ ತ್ಯಾಗ ಹಾಗೂ ಬಲಿದಾನಗಳ ಕಥೆಯನ್ನು ಗಾಳಿಯೊಂದಿಗೆ ದೇಶದ ಮೂಲೆಮೂಲೆಗಳಿಗೂ ಕೊಂಡೊಯ್ಯುವ ಸುದಿನ. ಶಾಲೆ-ಕಾಲೇಜುಗಳು, ಸರ್ಕಾರಿ ಕಚೇರಿಗಳ ಆವರಣಗಳಲ್ಲಿ ರಾಷ್ಟ್ರ ಧ್ವಜ ಹಾರುತ್ತದೆ, ರಾಷ್ಟ್ರಗೀತೆ ಮೊಳಗುತ್ತದೆ, ಸ್ವಾತಂತ್ರ್ಯದ ಇತಿಹಾಸದ ಭಾಷಣಗಳ ಹೂಮಳೆ ಹರಿಯುತ್ತದೆ, ದೇಶಭಕ್ತಿಯ ಹಾಡುಗಳು … Read more

ಆ ಬಾಹ್ಯಾಕಾಶ ನೌಕೆ ಭೂಕಕ್ಷೆಯಿಂದ ಗಗನದೆಡೆಗೆ ಚಿಮ್ಮಿ ಅದೆಷ್ಟೋ ದಿನಗಳು ಕಳೆದಿದ್ದವು. ನೌಕೆಯನ್ನು ಭೂಮಿಯಿಂದ ಕಳುಹಿಸಿಕೊಟ್ಟಿದ್ದ ವಿಜ್ಞಾನಿ ವಲಯದವರಲ್ಲಿ ಅದೇನೋ ಸಂತಸ, ಪುಳಕ. ಇನ್ನು ಕೆಲವು ದಿನಗಳಷ್ಟೇ ಬಾಕಿಯಿದೆ ಆ ನೌಕೆ ತನ್ನ ಗಮ್ಯವನ್ನು ಸೇರುವುದಕ್ಕೆ. ನೌಕೆಯೊಳಗಿದ್ದ ಆರು ಮಂದಿ ವಿಜ್ಞಾನಿಗಳಿಗೂ ಅಪರಿಮಿತ ಖುಷಿ. ಬಿಂಗ ತನ್ನದೇ ಆದ ಖುಷಿಯಲ್ಲಿ ತೇಲಾಡುತ್ತಾ ಒಂಟಿ ನಕ್ಷತ್ರವನ್ನು ಸಮೀಪದಿಂದ ದರ್ಶಿಸಿದ, ಸ್ಪರ್ಶಿಸಿದ ಅನುಭೂತಿಯಲ್ಲಿ ಮುಳುಗಿಹೋಗಿದ್ದ. ಪಟ್ಟಣಕ್ಕೆ ತಾಗಿಕೊಂಡಂತಿದ್ದ ಅರಣ್ಯದಲ್ಲಿ ಬದುಕುತ್ತಿದ್ದ ಆದಿವಾಸಿ ಸಮುದಾಯಕ್ಕೆ ಸೇರಿದವನು ಬಿಂಗ. ಕಾಡಿನಲ್ಲಿ ಬದುಕುತ್ತಿದ್ದರೂ ಸಹ … Read more

ವೃತ್ತಿ ಅಂದರೆ ನಾವು ಜೀವನಕ್ಕಾಗಿ ಆರಿಸಿಕೊಂಡ ಕೆಲಸ. ಆ ಕೆಲಸದಲ್ಲಿ ನಮಗಿಷ್ಟವಿಲ್ಲದಿದ್ದರೂ ಹೊಟ್ಟೆ ಹೊರೆಯುವುದಕ್ಕಾಗಿ ಮಾಡಲೇಬೇಕಾದ ಅನಿವಾರ್ಯತೆ ಇರುತ್ತದೆ. ಮೇಲಧಿಕಾರಿಯ ದಬ್ಬಾಳಿಕೆ, ಎಲ್ಲೆಲ್ಲಿಗೋ ವರ್ಗಾವಣೆ, ಮಕ್ಕಳ ಶಾಲೆಗಳ ಅನಾನುಕೂಲ, ಇತರೆ ರಾಜ್ಯಗಳ ಭಾಷೆ ಕಲಿಯಬೇಕಾದ ಅನಿವಾರ್ಯತೆ, ಸಹೋದ್ಯೋಗಿಗಳ ಕಿರುಕುಳ ಇವೆಲ್ಲ ವೃತ್ತಿಯಲ್ಲಿ ಕಾಣುವ ಕಿರಿಕಿರಿಗಳು. ನಾವು ಗಳಿಸುವ ಸಂಬಳದ ಜೊತೆ ಬಂದು ಬೀಳುವ ಅಡ್ಡ ಒತ್ತಡಗಳು. ಇವನ್ನೆಲ್ಲ ತೂಗಿಸಿಕೊಂಡು ಹೋಗಲೇಬೇಕಾದ ಅನಿವಾರ್ಯತೆ. ಜೀವನ, ಕುಟುಂಬ ಸಾಗಬೇಕಲ್ಲ! ಇವೆಲ್ಲವನ್ನೂ ಸುಧಾರಿಸುವಾಗ ನಮಗೆ ಗೊತ್ತಿಲ್ಲದೆಯೇ ನಮ್ಮಲ್ಲಿ ಒತ್ತಡ ಜಾಸ್ತಿಯಾಗುತ್ತದೆ. ಮನೆ, … Read more

“ನಾಳೆಯಿಂದ ಕುಡಿಯುವುದಿಲ್ಲ. ನಾಳೆಯಿಂದ ಸುಳ್ಳು ಹೇಳುವುದಿಲ್ಲ. ನಾಳೆಯಿಂದ ಯಾರೆದುರು ಹಲ್ಲುಗಿಂಜಿ ನಿಲ್ಲುವುದಿಲ್ಲ. ಅಷ್ಟೇ ಏಕೆ, ಬೂಟಾಟಿಕೆ, ನಾಟಕ, ಲಂಪಟತನ ಮಾಡುವುದಿಲ್ಲ. ನಾಳೆಯಿಂದ ಕಂಪ್ಲೀಟ್ ಚೇಂಜ್. ಕಂಪ್ಲೀಟ್ ಡಿಸೆಂಟ್ ಬಾಯ್. ಸಂಪೂರ್ಣ ಹೊಸ ಮನುಷ್ಯ. ಎಲ್ಲರಿಗೂ ಬೇಕಾಗುವ ಎಲ್ಲರೂ ಇಷ್ಟಪಡುವ ಅಚ್ಚುಮೆಚ್ಚಿನ ಹುಡುಗ. ಸಾಧ್ಯವಾದರೆ ನಾಲ್ಕು ಜನರು ಮೆಚ್ಚುವ ಹಾಗೆ ಏನೋ ಒಂದು ಮಾಡ್ಬೇಕು. ಒಂದು ನಿರ್ದಿಷ್ಟ ಗುರಿ ಆದರ್ಶ ಅಂತ ಬದುಕಬೇಕು.” ಹಾಗಂತ ಸೀರಿಯಸ್ ಆಗಿ ಅಂದುಕೊಳ್ಳುತ್ತೀರಿ. ಅಷ್ಟರಲ್ಲಾಗಲೇ ಫ್ರೆಂಡಿಂದ ಫೋನ್. “ಲೋ ಮಗಾ, ಎಲ್ಲಿದ್ದಿಯೋ..? ನನ್ … Read more

ಮೊಗಳ್ಳಿ ಸರ್ ಅವರ ಹುಟ್ಟಿದ ದಿನವಿಂದು.ಮೊಗಳ್ಳಿ ಗಣೇಶ್ ಅವರು ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಸಂತೇಮೊಗೇನಹಳ್ಳಿಯಲ್ಲಿ ೧೯೬೨ ಜುಲೈ ೧ ರಂದು ಚಿಕ್ಕಣ್ಣ ಮತ್ತು ಈರಮ್ಮ ಅವರ ಮಗನಾಗಿ ಜನಿಸಿದರು. ಚಿಕ್ಕವಯಸ್ಸಿಗೆ ತಂದೆಯ ಕ್ರೌರ್ಯದಿಂದ ತಾಯಿಯನ್ನು ಕಳೆದುಕೊಂಡು, ತನ್ನ ತಾತನ ಮಮತೆಯ ನೆರಳಿನಲ್ಲಿ ಹಾಗೂ ತಮ್ಮ ಕೇರಿಯ ಎಲ್ಲಾ ತಾಯಂದಿರ ವಿಶೇಷವಾಗಿ ಅತ್ತೆಯರ ವಾತ್ಸಲ್ಯದಲ್ಲಿ ಬೆಳೆದವರು. ಎಂ ಎ ಅರ್ಥಶಾಸ್ತç(೧೯೮೮), ಎಂ ಎ ಜಾನಪದ(೧೯೯೦) ಮೈಸೂರು ವಿಶ್ವವಿದ್ಯಾಲಯದಲ್ಲಿ ಮುಗಿಸಿ, ಕನ್ನಡ ವಿಶ್ವವಿದ್ಯಾಲಯದಿಂದ ‘ಕರ್ನಾಟಕ ಗ್ರಾಮ ದೈವಗಳ ಸಂಸ್ಕೃತಿ ವಿಕಾಸ’ … Read more

“ಇನ್ನೂ ಇಪ್ಪತ್ತು ನಿಮಿಷ ಆಗಬಹುದಂತೆ ಅವರು ಬರುವಾಗ” ಎಂದು ಮಣಿವಣ್ಣನ್ ಹೇಳಿದಾಗ ಸನಾತನಿ ಆಗಬಹುದು ಕಾಯುತ್ತೇನೆ ಎಂಬ ಂತೆ ತಲೆಯಾಡಿಸಿದಳು. ಹಾಗೆ ತಲೆಯಾಡಿಸದೆ ಬೇರೆ ದಾರಿ ಅವಳಿಗಿರಲಿಲ್ಲ. ನಿಜವಾಗಿಯೂ ಸಲ್ಲಾಪ್ನ ಈ ಸ್ಟುಡಿಯೋಗೆ ಬರುವ ಇಚ್ಛೆ ಅವಳಿಗಿರಲಿಲ್ಲ. ಆದರೆ ಸಂಪಾದಕರು “ಒಂದೆರಡು ಸಲ ಅವನ ಸಂದರ್ಶನ ಮಾಡಿದ್ದೀಯಲ್ಲ. ನೀನೇ ಹೋಗು. ನಿನ್ನ ಜೊತೆ ಈಗಾಗಲೇ ಮಾತನಾಡಿದ್ದಾನೆ. ಏನಾದರೂ ಮುಕ್ತವಾಗಿ ಮಾತನಾಡಿದರೆ ನಾಳೆಯ ದಿನ ನಮ್ಮ ಪತ್ರಿಕೆಗೆ ಅದುವೇ ಮುಖ್ಯ ಕಂಟೆ ಂಟ್ ಆಗುತ್ತದೆ” ಎಂದಿದ್ದರು. ಅವರ ಮಾತನ್ನು … Read more

ಧಾವಂತ ಬದುಕಿನಲ್ಲಿ ಜೀವಂತ ಶವವಾದ ಮಾನವ ಇಂದಿನ ಯುಗವನ್ನು ವೇಗದ ಯುಗವೆಂದು ಕರೆಯಲಾಗುತ್ತದೆ. ತಂತ್ರಜ್ಞಾನ, ಸ್ಪರ್ಧೆ, ಆರ್ಥಿಕ ಒತ್ತಡ ಮತ್ತು ಹೆಚ್ಚುತ್ತಿರುವ ನಿರೀಕ್ಷೆಗಳ ನಡುವೆ ಮನುಷ್ಯನು ನಿರಂತರ ಓಟದಲ್ಲಿ ತೊಡಗಿದ್ದಾನೆ. ಬೆಳಿಗ್ಗೆಯಿಂದ ರಾತ್ರಿ ತನಕ ಸಮಯದ ಹಿಂದೆ ಓಡುವ ಈ ಬದುಕಿನಲ್ಲಿ ಆತ ತನ್ನನ್ನು ತಾನೇ ಮರೆತುಬಿಡುವ ಮಟ್ಟಕ್ಕೆ ತಲುಪಿದ್ದಾನೆ. ಜೀವನವನ್ನು ಸುಖಮಯವಾಗಿಸಲು ರೂಪುಗೊಂಡ ಸಾಧನಗಳು ಮತ್ತು ಸೌಲಭ್ಯಗಳು ಹೆಚ್ಚಾದರೂ ಮನಸ್ಸಿಗೆ ನೆಮ್ಮದಿ, ಹೃದಯಕ್ಕೆ ಸಂತೋಷ ಮತ್ತು ಬದುಕಿಗೆ ಅರ್ಥ ನೀಡುವ ಮೌಲ್ಯಗಳು ಕ್ರಮೇಣ ಕ್ಷೀಣಿಸುತ್ತಿವೆ.ಈ ಸಂಗತಿಯು … Read more

ಅರೇ,ಅದೇನೋ ಗೊತ್ತಿಲ್ಲ ಜೀವನ ಎಷ್ಟು ಬ್ಯುಸಿ ಆಗಿದೆ ಅಂದ್ರೆ ಬೆಳಗ್ಗೆ ಏಳು, ರೆಡಿ ಆಗು, ಆಫೀಸ್ಗೆ ಹೋಗು, ಸಂಜೆ ಮನೆಗೆ ಬಾ, ಅಷ್ಟೇ.. ಜೀವನ ಒಂತರ ನಾಟಕನೇ ಆಗಿ ಹೋಗಿಬಿಟ್ಟಿದೆ. ಕೆಲಸ ಮನೆ, ಕೆಲಸ ಮನೆ ಇಷ್ಟೇ ಜೀವನ ಅನ್ನೋ ತರ, ಇದೆಲ್ಲರ ಮಧ್ಯೆ ಒಂದು ಒಳ್ಳೆ ಪುಸ್ತಕ ನನ್ನ ಕೈ ಸೇರಿದ್ದು ಹೀಗೆ ಅದೊಂದಿನ ನಾನು ಆಫೀಸ್ ಅಲ್ಲಿ ಕೆಲಸಮಾಡುವಾಗ ಸೆಕ್ಯೂರಿಟಿ ಬಂದು ದೀಪಾ ಅಂದ್ರೆ ಯಾರು ಅವರಿಗೆ ಒಂದು ಕೊರಿಯರ್ ಬಂದಿದೆ ಪ್ಲೀಸ್ ಕಲೆಕ್ಟ್ … Read more

ಕರ್ಮಯೋಗಿ-ತೆಲುಗು ಮೂಲ: ವಿಹಾರಿ-ಕನ್ನಡ ಅನುವಾದ: ಕೊಡೀಹಳ್ಳಿ ಮುರಳೀಮೋಹನ್ ವಂದಿಮಾಗಧರ ಜಯಘೋಷಗಳು ಆಕಾಶ ಮುಟ್ಟಿದ್ದವು. ಮುತ್ತಿನ ಶಾಲೆಯು (ಮುತ್ಯಾಲಶಾಲ) ಜಯಜಯ ಧ್ವನಿಗಳಿಂದ ಪ್ರತಿಧ್ವನಿಸುತ್ತಿದ್ದವು..ಆನೆಗೊಂದಿ ಸಾಮ್ರಾಜ್ಯದ ಪ್ರಭು ಜಂಬುಕೇಶ್ವರರಾಯರು ರಾಜಸಭೆಗೆ ಆಗಮಿಸಿದ್ದರು. ವಿಜಯೋತ್ಸವಗಳು ವೈಭವದಿಂದ ಮುಕ್ತಾಯಗೊಳ್ಳಲಿರುವ ಉಜ್ವಲ ಘಟ್ಟವದು. ಗಣ್ಯರಾದ ಸಂಗೀತ, ಸಾಹಿತ್ಯ, ಕಲೆ, ವಿಜ್ಞಾನ, ಕೃಷಿ ಹಾಗೂ ಶ್ರಮಿಕ ವರ್ಗದ ಶ್ರೇಷ್ಠರಿಗೆ ಸತ್ಕಾರ; ವೀರಯೋಧರಿಗೆ ಸನ್ಮಾನಗಳು ನಡೆಯಬೇಕಾಗಿದ್ದವು. ಒಂದು ಕಡೆ ಕೋಸಿಗಿ ಅರಸರು, ಮತ್ತೊಂದು ಕಡೆ ದೊರವಾಡಿ ಭೂಪತಿಗಳು. ಮಧ್ಯದಲ್ಲಿ ಪ್ರಧಾನಮಂತ್ರಿ ವೀರ ಹರಿಹರರಾಯರು ಉನ್ನತ ಆಸನಗಳಲ್ಲಿ ಆಸೀನರಾಗಿದ್ದರು. … Read more

“. . . . ತಿನ್ನುವ ಅನ್ನಕ್ಕೆ ಕಲ್ಲು ಬಿದ್ದರೆ, ಬದುಕೋ ದಾರಿ ತಪ್ಪಿದರೆ, ಅದನ್ನು ನೆಚ್ಚಿಕೊಂಡಿದ್ದವನ ಗತಿ ಏನಾಗಬಹುದು?. . .” “ನನ್ನನ್ನು ಕೆಲಸದಿಂದ ಮಾತ್ರ ತೆಗಿಬೇಡಿ ಸಾರ್, ಬೇಕಿದ್ರೆ ನನ್ನ ಇಂಕ್ರಿಮೆಂಟ್ ಕಟ್ಮಾಡಿ, ದಂಡ ಹಾಕಿ, ಬೇರೆ ಏನೇ ಶಿಕ್ಷೆ ಕೊಡಿ, ಆದ್ರೆ ಕೆಲಸದಿಂದ ಮಾತ್ರ ತೆಗಿಬೇಡಿ ಸಾರ್. ನಾನು ಬಡವ, ನನ್ನನ್ನು ನಂಬ್ಕೊಂಡಿರೋರು ಇನ್ನೂ ಮರ್ಮಂದಿ ಇದ್ದಾರೆ, ನನ್ ಹೆಂಡ್ತಿ ಇಬ್ರು ಮಕ್ಳು, ಅವ್ರ ಹೊಟ್ಟೆ ಮೇಲೂ ಹೊಡಿಬೇಡಿ ಸಾರ್” ಎಂದು ಕಂಡಕ್ಟರ್ … Read more

ನಮ್ಮಜ್ಜಿ ಹೇಳಿದ್ದು:ಗುಡಿ ಬಾಗ್ಲಾ ಹಾಕಿದ್ರು. ಒಳಗಿದ್ದ ದೇವ್ರಿಗೆ ಜೈಲಿನ್ಯಾಗ ಹಾಕಿದ್ಹಂಗಾತು. ಊದಬತ್ತಿ ಹೊಗಿ, ಕರ್ಪುರದ ಗಮಲು,ಮುಗಿಗಡರಿ, ಉಸಲ್‌ ಕಟ್ಟ ಆದಾಂಗಾಗಿ ಗುಡಿಯಾಗಿದ್ದ ಹನಮಪ್ಪ ದೇವ್ರು ಒಂದssಸವ್ನ ಒದ್ದಾಡಾಕ್ಹತ್ತಿದ್ದ. “ಲಗೂನ ಬಾಗ್ಲಾ ತಗೀರ್ಲೇ ಹಲಕಟ್ರ” ಎಂದು ಕೂಗಿದ. ದೇವ್ರಾಡಿದ ಮಾತು ಈ ಮಳ್ಳ ಮನಷ್ಯಾರ್ಗೆಲ್ಲಿ ಕೇಳಸ್ಬೇಕು? ದೇವ್ರೂ ಒಳಗೊಳಗೆ ನಗತೊಡಗಿದ. “ನನ್ನ ಪೂಜಾ ಮಾಡಾಕ ಈ ಬಡ್ಡಿ ಮಕ್ಳು ನಾ..ನೀ.. ಅಂತ ಕಿತ್ಯಾಡಾಕತ್ತಾರು. ಏನೇನ ಮಾಡ್ತಾರೋ ಮಾಡ್ಲೀ, ನಾನು ಒಂದ ಕೈ ಇವರ ಮಾಡು ಆಟ ನೋಡಿದ್ರಾತು”. ಹನಮಪ್ಪ … Read more

“…ಮಾಡದ ತಪ್ಪಿಗೆಲ್ಲಾ ಬೈಗುಳ ತಿನ್ನುವುದಕ್ಕೆ ನಾನೇನು ನಿಮ್ಮ ಮನೆಯ ಜೀತದಾಳಲ್ಲ. ನಾನೂ ಕಲಿತಿದ್ದೇನೆ. ಲೆಕ್ಕ ಹಾಕಿದರೆ ನನ್ನ ಮೆದುಳಿನ ತೂಕ ನಿಮ್ಮದಕ್ಕಿಂತ ಹೆಚ್ಚೇ ಇದೆ. ನನಗೆ ಬುದ್ಧಿ ಹೇಳುವ ಅರ್ಹತೆ ನಿಮಗೇನಿದೆ ಎಂದು ಸ್ವಲ್ಪವಾದರೂ ಯೋಚಿಸಬೇಕಲ್ಲಾ…” ಅವಳು ಬೈಯ್ಯುತ್ತಿದ್ದಳು. ಅವನ ಮುಖದಲ್ಲಿ ಆಶ್ಚರ್ಯವಿತ್ತು. “ಏನಂದುಕೊಂಡಿದ್ದೀರಿ ನಿಮ್ಮನ್ನು ನೀವು? ಲೋಕಕ್ಕೆಲ್ಲಾ ಅನ್ನ ಹಾಕುತ್ತಿದ್ದೇನೆ ಎಂದುಕೊಂಡ ಹಾಗಿದೆ. ನಾನು ಹೇಗೆ ದುಡಿಯುತ್ತಿದ್ದೇನೋ ಹಾಗೆಯೇ ನೀವೂ ದುಡಿಯುತ್ತಿದ್ದೀರಿ. ನಾವಿಬ್ಬರೂ ಸಮಾನರು ಎನ್ನುವುದು ನೆನಪಿರಲಿ. ಹುದ್ದೆ ಬದಲಾದ ಮಾತ್ರಕ್ಕೆ ನಾನೇನೂ ನಿಮ್ಮ ಗುಲಾಮಳಾಗುವುದಿಲ್ಲ. … Read more

ಈ ವರ್ಷದ ಅಂತರರಾಷ್ಟ್ರೀಯ ಮಹಿಳಾ ದಿನಾಚರಣೆ ಯನ್ನು ವಿಶ್ವಸಂಸ್ಥೆಯಿಂದ ಎರಡು ಮಹತ್ವದ ವಿಷಯಗಳೊಂದಿಗೆ ಆಚರಿಸಲಾಗುತ್ತಿದೆ: “ಮಹಿಳಾ ಹಕ್ಕುಗಳು. ಸಾಮಾಜಿಕ ನ್ಯಾಯ. ದೌರ್ಜನ್ಯದ ವಿರುದ್ಧವಾಗಿ ಕ್ರಮ. ಈ ಯೋಜನೆಗಳು ಮಹಿಳೆಯರು ಮತ್ತು ಹುಡುಗಿಯರಿಗಾಗಿ” ಎಂಬುದು ಗಮನಾರ್ಹವಾಗಿದೆ. ಜಾಗತಿಕ ಪ್ರಚಾರದ ವಿಷಯವಾಗಿ “ಗಿವ್ ಟು ಗೇನ್” ಇದು ಯು ಎನ್ ಥೀಮ್ ಆಗಿದೆ. ಇದು ಲಿಂಗತ್ವದ ಅಸಮಾನತೆಗಳನ್ನು ಪರಿಹರಿಸುವ ಮತ್ತು ಲಿಂಗ ನ್ಯಾಯದ ಕಡೆಗೆ ಪ್ರಗತಿಯನ್ನು ವೇಗಗೊಳಿಸುವ ಅಗತ್ಯವನ್ನು ಎತ್ತಿ ತೋರಿಸುತ್ತದೆ, ತನ್ಮೂಲಕ ಸಾಮಾಜಿಕ ನ್ಯಾಯಕ್ಕೆ ಸಮಾನ ಹಕ್ಕಿನಿಂದ ಧ್ವನಿ … Read more

ಹಬ್ಬಕ್ಕೆಂದು ಮೂರು ದಿನಗಳ ರಜೆಯಿದ್ದುದರಿಂದ ಊರಿಗೆ ಬಂದಿದ್ದ ನಾನು ಮೊದಲು ಹೋದದ್ದು ರಾಜೇಶಣ್ಣನ ಸೆಲೂನ್ಗೆ. ಕಿರೀಟ ಇಟ್ಟಂತೆ ಬೆಳೆದಿದ್ದ ತಲೆಗೂದಲು ಎರಡು ದಿನಗಳಿಂದಲೂ ತೊಂದರೆ ಕೊಡುತ್ತಿತ್ತು. ತೆಗೆಸುವುದಕ್ಕೆ ಪುರುಸೊತ್ತು ಸಿಕ್ಕಿರಲಿಲ್ಲ. ರಾಜೇಶಣ್ಣ ಮತ್ತು ನಾನು ಒಂದೇ ಶಾಲೆಯಲ್ಲಿ ಕಲಿತವರು. ಅವನು ನನಗಿಂತ ಎರಡು ತರಗತಿ ಮುಂದಿದ್ದ. ಗಣಿತದಲ್ಲಿ ಬಹಳ ಚುರುಕಿದ್ದ ಅವನಿಗೆ ಉಳಿದ ವಿಷಯಗಳು ಅಷ್ಟು ಚೆನ್ನಾಗಿ ಅರ್ಥವಾಗುತ್ತಿರಲಿಲ್ಲ. ಮನೆಯಲ್ಲಿ ಬಡತನವೂ ಇತ್ತು. ಆದ್ದರಿಂದ ಹತ್ತನೇ ತರಗತಿವರೆಗೆ ಓದಿದವನು ಆಮೇಲೆ ಗಣೇಶಣ್ಣನ ಸೆಲೂನ್ ಸೇರಿಕೊಂಡವನು ಐದೇ ವರ್ಷಗಳಲ್ಲಿ … Read more

ಮೊಗಳ್ಳಿ ಗಣೇಶ್ ಅವರು ಅವರ ಕಥೆಗಳ ಮೂಲಕ ‘ಪಾತ್ ಬ್ರೇಕಿಂಗ್’ ರೀತಿಯಲ್ಲಿ ಕನ್ನಡ ಸಾಹಿತ್ಯ ಲೋಕಕ್ಕೆ ಪಾದಾರ್ಪಣೆ ಮಾಡಿದವರು. ನಂತರ ಕಾವ್ಯ, ವಿಮರ್ಶೆ, ಚಿಂತನಾ ಸಾಹಿತ್ಯ, ಕಾದಂಬರಿ ಹಾಗೂ ಜಾನಪದ ಸಂಶೋಧನೆಗಳನ್ನು ಲೋಕಾರ್ಪಣೆ ಮಾಡಿದರು. ಕಾದಂಬರಿಯಲ್ಲಿ ಇರಬಹುದಾದ ಸೃಜನದ ವಿಸ್ತಾರವಾದ ಅವಕಾಶವನ್ನು ಸ್ವಚ್ಛಂದವಾಗಿ ಬಳಸಿಕೊಂಡು ಕಥೆಗಾರನ ಪಟ್ಟವನ್ನು ಮರೆಸುವಂತಹ ಕಾದಂಬರಿಕಾರರಾಗಿ ನೆಲೆಯೂರಿದವರು. ಪ್ರಸ್ತುತ ಹೊಕ್ಕಳು ಕಾದಂಬರಿ ಇಡೀ ಕನ್ನಡ ಸಾಹಿತ್ಯ ಲೋಕಕ್ಕೆ ಹೇಗೆ ಭಿನ್ನ ಎನ್ನುವುದನ್ನು ಹೇಳಲು ನಾನಿನ್ನು ಕಿಂಚಿತ್ತು. ಆದರೆ ‘ಹೊಕ್ಕಳು’ ಕಾದಂಬರಿಯಲ್ಲಿ ವ್ಯಕ್ತವಾಗಿರುವ ಮಹಿಳಾ … Read more

ನಮಸ್ಕಾರ, ನಾನು ರಾಜಹಂಸ. ಇತ್ತೀಚೆಗೆ ನಾನು ನನ್ನ ಮೊದಲ ಕನ್ನಡ ವಿಡಿಯೋ ಕಾದಂಬರಿಯನ್ನು ಪ್ರಕಟಿಸಿದ್ದೇನೆ. ಸಾಮಾನ್ಯವಾಗಿ ಕಾದಂಬರಿಗಳು ಪುಸ್ತಕ, ಇ-ಬುಕ್ ಅಥವಾ ಆಡಿಯೋ ಬುಕ್ ರೂಪದಲ್ಲಿ ಬರುತ್ತವೆ. ಆದರೆ, ನಾನು ಒಂದು ಹೊಸ ಪ್ರಯೋಗವಾಗಿ ದೃಶ್ಯ ಮತ್ತು ಕಥನವನ್ನು ಸಂಯೋಜಿಸಿ ವಿಡಿಯೋಗಳ ರೂಪದಲ್ಲಿ ಕಾದಂಬರಿಯನ್ನು ಪ್ರಕಟಿಸಿದ್ದೇನೆ. ಈ ಕಾದಂಬರಿಯೂ ನನ್ನ ವೆಬ್‌ಸೈಟ್‌ನಲ್ಲಿ ವಿಡಿಯೋ ಮತ್ತು ಇ-ಬುಕ್ ರೂಪದಲ್ಲಿ ಲಭ್ಯವಿದೆ. ತಾವು ತಮ್ಮ ಅಮೂಲ್ಯ ಸಮಯದಲ್ಲಿ ಸ್ವಲ್ಪ ಸಮಯ ಮೀಸಲಿಟ್ಟು, ಮೊದಲು 2 ನಿಮಿಷಗಳ ಟ್ರೈಲರ್ ಮತ್ತು ಸುಮಾರು … Read more

ತೆಲುಗು ಮೂಲ: ಅರಣ್ಯಕೃಷ್ಣ ಕನ್ನಡ ಅನುವಾದ : ಕೋಡೀಹಳ್ಳಿ ಮುರಳೀಮೋಹನ್ ಈ ಜ್ಞಾನದ ವನದಲ್ಲಿ ಪ್ರತಿ ಮರವೂ ಗಂಭೀರವಾಗಿ ನಿಂತು ‘ಜ್ಞಾನಫಲಗಳನ್ನು ಕೊಂಡೊಯ್ಯಿರಿ’ ಎಂದು ಕರೆಯುತ್ತಿದೆ. ಪಥಿಕನು ಯಾವ ಫಲವನ್ನು ಮುಟ್ಟಿದರೂ ಒಂದು ದಿವ್ಯ ಉಪದೇಶದ ಧ್ವನಿ ಆಲಿಸುತ್ತದೆ. ಹೌದು, ಪ್ರತಿಯೊಂದು ಪುಸ್ತಕವೂ ಒಂದು ಜ್ಞಾನಫಲ! ಆ ಫಲವನ್ನು ಸವಿದಾಗಲೇ ತಾನೇ ಅರಿವಿನ ಕುಡಿಗಳು ಅರಳಿ, ಆಸೆಗಳು ಚಿಗುರಿ ಮನುಷ್ಯ ತನ್ನ ಅಸ್ತಿತ್ವದ ಮೌಲ್ಯವನ್ನರಿಯುವುದು; ನಡೆದು ಬಂದ ಜಗತ್ತಿನ ದಾರಿಗಳೆಲ್ಲ ನಯನಗಳ ಮುಂದೆ ಅನಾವರಣಗೊಳ್ಳುವುದು. ವಿಕಾಸಪೂರ್ವ ಆದಿಮಾನವನ … Read more

ಸಾವನ್ನು ಹೊಡೆದಟ್ಟಿದರೂ ಮತ್ತೆ ಸಾವು ದುತ್ತನೇ ಎರಗಿ ಬಂತು ! ಕರುಳು ಕ್ಯಾನ್ಸರ್ ರೋಗಕ್ಕೆ ತುತ್ತಾಗಿ, ಸಾವಿನ ದವಡೆಯಿಂದ ಪಾರಾಗಿ ಬಂದರೂ, ಸಾವು ಮತ್ತೊಂದು ರೂಪದಲ್ಲಿ ಅವನಿಗೆ ಸಿದ್ದವಾಗಿತ್ತು, ತನ್ನ ನೇಣು ಕುಣಿಕೆಯನ್ನು ಅವನಿಗಾಗಿ ಚಾಚಿ ಕುಳಿತಿತ್ತು ! ‘ವಿಶಾಲಮೂರ್ತಿ’ ಹೆಸರಿಗೆ ತಕ್ಕಂತ ಮನಸ್ಸು ಮತ್ತು ಹೃದಯ ಅವನದು. ಸ್ನೇಹಮಯ ವ್ಯಕ್ತಿತ್ವ, ಎಲ್ಲರೊಡನೆ ಅನ್ಯೋನ್ಯತೆಯಿಂದ ಬೆರೆಯುತ್ತಿದ್ದ. ‘ಒಳ್ಳೆಯವರು, ದೀರ್ಘಕಾಲ ಬದುಕುವುದಿಲ್ಲವಂತೆ, ಅವರನ್ನು ದೇವರು ಬಹುಬೇಗ ಕರೆದುಕೊಂಡು ಬಿಡುತ್ತಾನಂತೆ’ ಎಂಬುದು ಜನಜನಿತ ಲೋಕೋಕ್ತಿ. ಇದಕ್ಕೆ ಪೂರಕವೋ ಎಂಬಂತೆ ಅವನಿಗೆರಗಿದ್ದ … Read more

ಹಸಿರು ಲೋಕದ ಗುಪ್ತ ಭಾಷೆ — ಮಾತಾಡುವ ಸಸ್ಯಗಳ ಅದ್ಭುತ ಸಂವಹನ “ನಾವು ಮೌನವಾಗಿವೆ ಎಂದು ಭಾವಿಸುವ ಸಸ್ಯಗಳು, ವಾಸ್ತವದಲ್ಲಿ ತಮ್ಮದೇ ಭಾಷೆಯಲ್ಲಿ ನಿರಂತರವಾಗಿ ‘ಮಾತನಾಡುತ್ತಿವೆ’ ಎಂಬುದನ್ನು ನಾವು ಎಷ್ಟು ಬಾರಿ ಯೋಚಿಸಿದ್ದೇವೆ?” ಹಿಂದಿನ ಭಾಗದಲ್ಲಿ ನಾವು ಸಸ್ಯಗಳ ಅಂತರಂಗ ಮತ್ತು ಪ್ರಕೃತಿಯೊಳಗಿನ ಅಡಗಿದ ಜೀವಶಕ್ತಿಯ ಬಗ್ಗೆ ತಿಳಿದುಕೊಂಡೆವು. ಅದರ ಮುಂದುವರಿದ ಭಾಗವಾಗಿ, ಈಗ ನಾವು ಸಸ್ಯಗಳ ಮತ್ತೊಂದು ಅಚ್ಚರಿಯ ಗುಣವನ್ನು ಅರಿಯೋಣ — ಅದು ಸಸ್ಯಗಳ ಸಂವಹನ ಮತ್ತು ಬುದ್ಧಿವಂತಿಕೆ. ನಾವು ಸಾಮಾನ್ಯವಾಗಿ ಸಸ್ಯಗಳು ಮೌನವಾಗಿವೆ … Read more

ಖ್ಯಾತ ಆಂಗ್ಲ ಕವಿ ಚಾರ್ಲ್ಸ್ ಬುಕ್ಕೋವ್ಸಿಕಿ ಅವರ ಅನುವಾದಿತ ಕವಿತೆ ನಾನೀಗ ನನ್ನನ್ನೇ ಕಾಣುತ್ತಿದ್ದೇನೆಆತ್ಮಹತ್ಯೆಯ ಎಲ್ಲ ದಿನಗಳೂ ರಾತ್ರಿಗಳೂ ಕಳೆದು, ಬರಡಾದ ವಿಶ್ರಾಂತಿ ಕೋಣೆಗಳೊಂದರಿಂದ ನನ್ನನ್ನು ಹೊರಗೆ ತಳ್ಳುತ್ತಾ (ನಾನು ಜನಪ್ರಿಯ, ಅದೃಷ್ಟವಂತನಾದರೆ, ಖಂಡಿತವಾಗಿ ಇದು ಸಾಧ್ಯವಾಗುವುದು)ಒಬ್ಬ ಹೀನ ಹಾಗೂ ಬೇಸರ ಮುಖದ ನರ್ಸ್ನಿಂದ ಕರೆದೊಯ್ಯುತ್ತಿರುವಂತೆ ಅಲ್ಲಿದ್ದ ಗಾಲಿ ಖುರ್ಚಿಯಲ್ಲಿ ನಾನು ನೆಟ್ಟಗೆ ಕೂತಿದ್ದೇನೆ. ಬಹುತೇಕ ಕತ್ತಲು, ಕಣ್ಣುಗಳು ತಲೆಬುರುಡೆಯ ಒಳಗಿನಕತ್ತಲ ಭಾಗದತ್ತ ಹಿಮ್ಮುಖವಾಗಿ ಚಲಿಸುತ್ತಾಸಾವಿನ ದಯೆಗಾಗಿಎದುರು ನೋಡುತ್ತಾ. “ಎಂಥಾ ಸುಂದರ ದಿನ ಅಲ್ಲವೇ, ಮಿಸ್ಟರ್ ಬುಕ್ಕೋವ್ಸಿಕಿ?” … Read more

ನದಿ ತುಂಬಿ ಹರಿಯುತ್ತಿತ್ತು.. .. ಸಕ್ಕಿ ನೀರಲ್ಲಿ ಕಾಲಿಟ್ಟಳು. ಮೈನಡಗುತ್ತಿತು. ಎಂಥ ಚಳಿ.ಇದರಲ್ಲಿ ಮುಳುಗಿ ಸಾಯುವುದು ಹೇಗೆ? ಸಾಯಲು ಬಂದವಳಿಗೆ ಚಳಿಯೋ-ಮಳಿಯೋ, ಬಿಸಿಲೋ-ಬೆಂಕಿಯೋ ಅಷ್ಟೊಂದು ತರ್ಕ ಸಮ್ಮತವಾದುದಲ್ಲ. “ಹೂಂ.. ಸಾಯಿss ಸಾಯಿss ನಾನು ಬೇಗನೇ ನೀನು ಸಾಯುವುದನ್ನು ನೋಡಬೇಕು, ಈ ರೀತಿ ದಡದಲ್ಲಿಯೇ ನಿಂತು ಏನು ವಿಚಾರಿಸುತ್ತಿರುವೆ? ಸಾಯಲು ಬಂದವರು ವಿಚಾರಿಸಿದರೆ ಏನೂ ಫಲವಿಲ್ಲ”. ಸಕ್ಕಿಯ ಮನಸ್ಸು ಅವಳನ್ನೇ ಹಂಗಿಸತೊಡಗಿತು. ಸಕ್ಕಿಗೆ ಮನಸು ಹಂಗಿಸಿದ್ದಕ್ಕೆ ಅವಮಾನವೆನಿಸಿ ಮುಂದೊಂದು ಹೆಜ್ಜೆ ಇಟ್ಟಳು. ತುಂಬಿ ಹರಿಯುವ ಗಂಗಾದೇವಿ “ಮಗಳೇ ದುಡಕಬೇಡಮ್ಮಾ … Read more

ಈ ಕರೆಗಳ ಸಂಭಾಷಣೆಗಳು ಆಂಗ್ಲದಲ್ಲಿರುತ್ತವೆ. ಓದುಗರ ಸೌಕರ್ಯಕ್ಕಾಗಿ ಇವುಗಳನ್ನು ಕನ್ನಡದಲ್ಲಿ ಮಾತಾಡಿದಂತೆ ಅನುವಾದ ಮಾಡಿ ಇಲ್ಲಿ ಕೊಡುತ್ತಿದ್ದೇನೆ.“ ನಮಸ್ಕಾರ. ನಾನು ರಮೇಶಬಾಬು ಅವರ ಜೊತೆ ಮಾತಾಡುತ್ತಿದ್ದೀನಾ?”“ಹೌದು.”“ಶುಭ ಮಧ್ಯಾಹ್ನ.(ಈ ಕರೆಗಳು ಬಹುತೇಕ ನನ್ನ ಮಧ್ಯಾಹ್ನದ ನಿದ್ರೆ ಹಾಳುಮಾಡಲು ಆ ಸಮಯದಲ್ಲೇ ನನ್ನ ಕದ ತಟ್ಟುತ್ತವೆ.)”“ಮುಂದೆ ಹೇಳಿ.”“ನೀವು…ಫಲಾನಾ ಕಂಪೆನಿಯ ಪಾಲಸಿ ತೊಗೊಂಡಿದ್ದೀರಿ. ಅದು ತೊಗೊಂಡು ಮೂರು ವರ್ಷ ಕಳೆದಿವೆ. ಅದರ ಪ್ರೀಮಿಯಂ ಕಂತು ಮುಂದಿನ ತಿಂಗಳ ೧೦ನೆಯ ತಾರೀಕಿಗೆ ವಾಯಿದೆ ಇದೆ. ನೀವು ಅದನ್ನು ಯಾವಾಗ ತುಂಬ ಬಹುದು?”“ವಾಯಿದೆ ಒಳಗೆ … Read more

ಪಂಜು ಅಂತರ್ಜಾಲ ಪತ್ರಿಕೆ ಏರ್ಪಡಿಸಿದ್ದ 2025ನೇ ಸಾಲಿನ ಕಥಾ ಸ್ಪರ್ಧೆಯಲ್ಲಿ ಒಟ್ಟು 152 ಕತೆಗಾರರು ಭಾಗವಹಿಸಿದ್ದರು. ವಿವಿಧ ಕ್ಷೇತ್ರಗಳಲ್ಲಿ ಕಾರ್ಯನಿರ್ವಹಿಸುತ್ತಿರುವ ಐವರು ಕನ್ನಡಿಗರು ಈ ಸ್ಪರ್ಧೆಯ ತೀರ್ಪುಗಾರರಾಗಿದ್ದರು. ಪಂಜು ಕಥಾ ಸ್ಪರ್ಧೆಯಲ್ಲಿ ವಿಜೇತರಾದವರು: ೧. ಪ್ರಥಮ ಬಹುಮಾನ: ಮೂಕಸಾಕ್ಷಿ (ಗಿರೀಶ್ ತಾಳಿಕಟ್ಟೆ) ೨. ದ್ವಿತೀಯ ಬಹುಮಾನ: ವ್ಯಾನ್ ಹುಸೇನ್ (ವೀರೇಂದ್ರ ರಾವಿಹಾಳ್‌) ೩. ತೃತೀಯ ಬಹುಮಾನ: ಜನುಮಕ್ಕೆ ಜೋಡಿಯಾದವರು (ಗೌರಿ ಚಂದ್ರಕೇಸರಿ) ಸಮಾಧಾನಕರ ಬಹುಮಾನ ವಿಜೇತರು: ೧. ಪಂಚಾಯತಿ ಕಟ್ಟೆ: ಎಂ.ಡಿ.ಚಿತ್ತರಗಿ ೨. ಗರ್ಭ-ಗುಡಿ: ಸಂಜಯ್.ಹೆಚ್.ಪಾಟೀಲ್ ೩. … Read more

ಮೊನ್ನೆ ಮಂಡ್ಯದಲ್ಲಿ ನಡೆದ ಅಕ್ಷರ ಹೊಸ ಕಾವ್ಯ ಕಾರ್ಯಕ್ರಮದಲ್ಲಿ ಸಿಕ್ಕ ಕವಯಿತ್ರಿ ನಂದಾದೀಪ ಅವರು ಅಕ್ಕರೆಯಿಂದ ಅವರ ‘ ರಾತ್ರಿ ಸುರಿದ ಮಲ್ಲಿಗೆ ‘ ಎಂಬ ಚುಟುಕು ಸಂಕಲನವನ್ನು ನನ್ನ ಕೈಗಿತ್ತರು. ಕೆಲಸದ ಒತ್ತಡಗಳ ನಡುವೆ ಕಳೆದೆರಡು ದಿನಗಳಲ್ಲಿ ಅದನ್ನು ಓದಲಾಗಿರಲಿಲ್ಲ. ಆದರಿಂದು ಬಿಡುವು ಸಿಕ್ಕಿ ಒಂದೇ ಗುಕ್ಕಿಗೆ ಅದರ ಮುನ್ನುಡಿ, ಬೆನ್ನುಡಿಗಳೆಲ್ಲವನ್ನೂ ಓದಿ ತಿರುವು ಹಾಕಿ ಅವರ ಚುಟುಕುಗಳನ್ನು ಗಮನಿಸುತ್ತಾ ಹೋದೆ. ಇಂತಹ ಚುಟುಕುಗಳ ಪ್ರಯೋಗಗಳು ಕನ್ನಡ ಸಾಹಿತ್ಯದಲ್ಲಿ ಹೊಸತೇನಲ್ಲವಾದರೂ ಬರೆಯುವವರ ಭಿನ್ನತೆ, ದೃಷ್ಟಿಕೋನಗಳು, ಅವು … Read more

ವರಂಗ ಹೆಸರೇ ಒಂದು ಅದ್ಬುತ. ವರಂಗ ಇರುವುದು ಉಡುಪಿ ಜಿಲ್ಲೆಯ ಹೆಬ್ರಿಯಿಂದ ಕಾರ್ಕಳದ ಕಡೆಗೆ 5 ಕಿ.ಮೀ. ದೂರದಲ್ಲಿ. ಅದೊಂದು ಜೈನ ಕ್ಷೇತ್ರ, ವಿಶಾಲವಾದ ಕೆರೆಯ ಮಧ್ಯದಲ್ಲಿ ನೆಲೆನಿಂತ ಜೈನ ಬಸದಿಯನ್ನು ದೊಣಿಯ ಮೂಲಕ ನಿಧಾನವಾಗಿ ಸಾಗುವುದೇ ಒಂದು ರೋಮಾಂಚಕಾರಿ ಅನುಭವ. ನಾನು ಮದುವೆಯಾದ ಸಮಯದಲ್ಲಿ ಮೊದಲ ಬಾರಿ ಪತ್ನಿ ಶ್ರುತಿ ಜೊತೆ ಭೇಟಿ ನೀಡಿದ್ದೆ, ಆದರೆ ಅದು ನವರಾತ್ರಿಯ ಸಮಯವಾದ್ದರಿಂದ ಮಳೆ ತುಂಬಾ ಬರ್ತಾ ಇತ್ತು ಆದ್ದರಿಂದ ದೋಣಿಯನ್ನು ಬಿಡುತ್ತಿರಲಿಲ್ಲ. ಶ್ರುತಿಗೆ ತುಂಬಾ ಬೇಸರವಾಗಿತ್ತು. ಅವಳು … Read more

ತುಂಬಿದ ಹಾಸ್ಟಲ್ ನಲ್ಲಿದ್ದಾಗಿನ ಹುಡುಗರ ಕೇಕೆ, ನಗು, ತಣ್ಣನೇ ನೀರು ಮೈಮೇಲೆ ಸುರುವಿಕೊಳ್ಳಲೂ ಹಿಂದು ಮುಂದು ನೋಡುತ್ತಾ ದಬಾದಬಾಂತ ಚೊಂಬಿನಿಂದ ತಲೆ ಮೇಲೆ ಹಾಕಿಕೊಳ್ಳುವಾಗಿನ ಅಪಶೃತಿ ಹಾಡುಗಳು, ಅಷ್ಟರಮಟ್ಟಿಗೆ ತಮ್ಮಲ್ಲೇ ತಾವು ದೊಡ್ಡ ಸಿಂಗರ್ ಎಂಬ ಬಿಲ್ಡಪ್ಪು. ರೂಮಿಗೆ ಬಂದ ತಕ್ಷಣವೇ ಕಿಟಕಿಯಲ್ಲಿದ್ದ ಅಥವಾ ಪುಸ್ತಕ ಇಟ್ಟುಕೊಳ್ಳಲು ಇರುವ ಕಪಾಟಿನೊಳಗಿನ ದೇವರ ಚಿಕ್ಕ ಫೋಟೋಗೆ ಕೈಮುಗಿಯುವುದು. ತಲೆಒರೆಸಿಕೊಳ್ಳುವ ಗ್ಯಾಪ್ ನಲ್ಲೇ ಮೇಲ್ಮಹಡಿ ರೂಮಿನಿಂದ ಇಣುಕಿದರೆ ಪಕ್ಕದಲ್ಲೇ ಇದ್ದ ತರಳಬಾಳು ಸಂಸ್ಥೆಗೆ ಹೊರಡುವ ಬಿ.ಎಡ್. ಓದುವ ಹುಡುಗಿಯರ ದಂಡಿಗೆ … Read more

“ಮಿಂಚೂ, ಅವರು ನಿನಗೆ ತಕ್ಕ ಜೋಡಿ. ನಿಮ್ಮಿಬ್ಬರ ಜೋಡಿ ಶಿವ-ಪಾರ್ವತಿಯರಂಗೆ ಆಗುತ್ತೆ.”ತಾಯಿ, ಮಗಳಿಬ್ಬರೂ ಖುಷಿಖುಷಿಯಿಂದ ಮಾತು ಮುಗಿಸಿದ್ದರು.****ಮಿಂಚುವಿನ ಮದುವೆ ಅವಳ ಸೋದರತ್ತೆಯ ಮಗ ಪ್ರಶಾಂತನ ಜೊತೆ ನಿಶ್ಚಯವಾಗುವ ಸುದ್ದಿ ಸದ್ಭವನ ಕಿವಿಗೆ ಬಿದ್ದಾಗಿನಿಂದ ಅವನ ಮನಸ್ಸು ಗೊಂದಲದ ಗೂಡಾಯಿತು. ಎದೆಯಲ್ಲಿ ತಳಮಳ, ಅಲ್ಲೋಲಕಲ್ಲೋಲ ಶುರುವಾಯಿತು. ನಿಂತ ಭೂಮಿ ಕಂಪಿಸಿದ ಅನುಭವ. `ಹಾಗಾದರೆ ನಾನು ಮಿಂಚುವಿನ ಬಗ್ಗೆ ಕನಸು ಕಟ್ಟುವುದನ್ನು ಬಿಡಬೇಕು. ನಾನು ಭಗ್ಮಪ್ರೇಮಿಯಾವೆನೇ…? ನನ್ನ ಮೊದಲ ಪ್ರೀತಿ ಹಳ್ಳ ಹಿಡಿಯುವುದೇ…? ಆ ನೋವನ್ನು ನಾನು ಜೀರ್ಣಿಸಿಕೊಳ್ಳಬಲ್ಲೆನೇ…? ಅಂಥಹ … Read more

“ಯಾಕೆ ಮದುವೆ ಆಗಿದ್ದೇನೋ ಎನಿಸುತ್ತಿದೆ. ಇದಕ್ಕಿಂತ ಒಂಟಿಯಾಗಿರುವುದೇ ಒಳ್ಳೆಯದಿತ್ತು” ಶೂ ಕಳಚಿಡುತ್ತಾ ಅವನು ಹೇಳಿದ ಈ ಮಾತು ಮೊದಲೇ ಕೋಪದಿಂದಿದ್ದ ಅವಳನ್ನು ಕೆರಳಿಸಿತು.“ನನಗೂ ಈ ಸಂಬಂಧ ಬೇಕಿರಲಿಲ್ಲ. ನೀವು ಇಂಥವರು ಅಂತ ಮೊದಲೇ ಗೊತ್ತಿದ್ದರೆ ನಾನು ಮದುವೆಗೆ ಒಪ್ಪುತ್ತಿರಲಿಲ್ಲ” ಎಂದು ಅವಳು ಹೇಳಿದ ತಕ್ಷಣವೇ ಅವನು ಕಳಚಿದ್ದ ಶೂವನ್ನು ಬಲವಾಗಿ ನೆಲದ ಮೇಲೆ ಬಿಸಾಡಿದ. ಅವನ ವರ್ತನೆಯನ್ನು ಲೆಕ್ಕಕ್ಕೇ ತೆಗೆದುಕೊಳ್ಳದವಳಂತೆ ಅವಳು “ಬೇಕಿರುವುದನ್ನೆಲ್ಲಾ ತೆಗೆದುಕೊಳ್ಳುವಷ್ಟು ಪುರುಸೊತ್ತು ಇಲ್ಲವೆಂದ ಮೇಲೆ ಶಾಪಿಂಗ್‌ಗೆ ಬಂದದ್ದಾದರೂ ಯಾಕೆ? ನಾನೊಬ್ಬಳೇ ಹೋಗುತ್ತಿದ್ದೆ. ಆಫೀಸಿನ … Read more